Mazkur maqolada muallif tomonidan sudlarda sunʼiy intellektning asosiy vazifalari: maʼlumotlarni tashkil etish, maslahat berish, bashorat-oldindan taxmin qilish kabi funksiyalari tahlil etilgan. Bundan tashqari, ushbu maqolada sud amaliyotida SIning qo‘llanilishi tamoyillari: axloqiy, inson huquqlari hurmat qilinishi, teng munosabatda bo‘lish, maʼlumotlar xavfsizligini taʼminlash, shaffoflik, sunʼiy intellektning foydalanuvchilar nazorati ostida bo‘lishi tamoyillari ilmiy nuqtai nazardan ko‘rib chiqilgan. Shu bilan birga, muallif o‘z maqolasida sunʼiy intellektdan sud hokimiyati organlarida samarali foydalanish kabi masalalarni atroflicha o‘rgangan. Muallif o‘z xulosasida sunʼiy intellektni sudda qo‘llashni yanada takomillashtirish bo‘yicha takliflarni ilgari surgan. Sud amaliyotining bir xilligi va sud hujjatlarining ochiqligi taʼminlanadi. Fuqarolar uchun sunʼiy intellekt АT sohasidagi eng so‘nggi yutuqlardan foydalangan holda, sud ishlarini ko‘rib chiqish natijalarini topish va baholash uchun sifatli vositaga aylanadi. Bu daʼvogarga sudga daʼvo qilingan arizaning muvaffaqiyatli bo‘lish ehtimolini taxmin qilish va shu asosda ishni sudga bermasdan qaror qabul qilish imkonini beradi.