Voyaga yetmaganlarni adliya tizimidan rasmiy chetlatish choralarining ijobiy va salbiy tomonlari haqidagi fikrlar, voyaga yetmagan shaxsni adliya tizimidan chetlatish choralariga etimologik va xalqaro standart sifatida samaradorligi nuqtai nazaridan ta’rif berilmaguncha unchalik ishonchli bo‘lmasligi mumkin. Adabiyotlarda chetlatish choralarining ing­liz tilidan rus tiliga tarjimasi turlicha. Masalan, chiqarib olish, saqlab qolish, olib qo‘­yish, chetlatish, jinoiy ta’qibdan chetlatish, ajralib chiqish kabi tarjimaga ega. Aksincha, rus tilidan ingliz tiliga ham shunga o‘xshash holatning guvohi bo‘lamiz. Shu bilan birga, muallif tadqiqoti davomida choralarning mazmun-mohiyati, ta’rifi va samaradorligini ko‘rsatish uchun huquqiy-lingvistik yondashuvni qo‘llamayapti. U voyaga yetmaganlarni jinoiy ta’qibdan chetlatish choralari va ularning ahamiyatini tushuntirishga qaratilgan turli xil yondashuvlarni o‘rganadi, xorijiy adabiyotlarni tahlil qiladi, chetlashtirish choralari bo‘yicha nazariyalar va tushunchalarni qiyosiy tahlil qilish natijalarini umumlashtiradi. Xulosa qilib aytganda, muallif institut bilan bog‘liq bo‘lgan o‘ziga xos konsepsiyalar va ilg‘or xorijiy tajribani hisobga olib, uni yanada samarali va uyg‘un tarzda O‘zbekistonda milliy xususiyatlarni inobatga olgan holda, tatbiq etish uchun ushbu institutning turli xil tushunchalari va amaliyotlarini o‘rganishni davom ettirish zarur degan xulosaga keladi.