Maqolada har qanday rivojlanayotgan mamlakatning iqtisodiy va ijtimoiy rivojlanishi uchun muhim bo‘lgan investitsiyalar va investitsiyaviy huquqiy munosabatlar, shu jumladan, ularni huquqiy tartibga solish, investitsiyalarni jalb qilishning huquqiy asoslari ko‘rib chiqiladi. Investitsiya munosabatlarini huquqiy tartibga solish bo‘yicha xorijiy tajribaga asoslanib, muallif milliy qonunchilikdagi bir qator jiddiy kamchilik va bo‘shliqlarni belgilaydi hamda ularni bartaraf etish bo‘yicha qisqacha tavsiyalar beradi. Zero, boshqa mamlakatlarning investitsiya qonunchiligi va ularning tendensiyalarini o‘rganish milliy qonunchilikdagi bo‘shliqlarni aniqlashda muhim omil bo‘lib xizmat qiladi.