3-son 2024

 Yurisprudensiya

3-son 2024-yil

Maqolalar bilan tanishib chiqish
PDF yuklash
O‘ZBEKISTONDA VENCHUR FONDLARNI TARTIBGA SOLISHDA BANK FAOLIYATIDAGI QOIDALARNI QOʻLLASH

Narziyev Otabek Sadiyevich

Toshkent davlat yuridik universiteti Xalqaro xususiy huquq kafedrasi professori, yuridik fanlar doktori

Igamberdiyeva Xurshida Xislatillayevna,

Toshkent davlat yuridik universiteti mustaqil izlanuvchisi, “Ipak yoʻli” AITB Korporativ boshqaruv boʻlimi boshlig‘i

Annotatsiya
Ushbu maqolada venchur moliyalashtirishni tartibga solish usulining ikkita varianti koʻrib chiqildi, bu esa venchur fondlarining sifatli rivojlanishiga samarali taʼsir koʻrsatishi va aktivlarni yoʻqotish xavfini kamaytirishi mumkin. Tadqiqotda nufuzli xalqaro ekspertlarning venchur moliyalashtirish sohasidagi ilmiy ishlari hamda tartibga solish va amaliyotda qoʻllash sohasidagi xalqaro tajribani qiyosiy tahlil qilish usullaridan foydalanildi. Venchur moliyalashtirishni tartibga solishning taklif etilayotgan usullari har bir loyiha va oʻzaro bogʻliq boʻlgan loyihalar guruhi uchun foiz limitini belgilash va venchur fondining investitsiya portfelini diversifikatsiya qilishdan iborat. …
EKSKLYUZIV BLOKCHEYN VA MEROSXO‘RLIK HUQUQI: RAQAMLI MEROSNI BOSHQARISHDA ZAMONAVIY YONDASHUVLAR

Egamberdiyev Eduard Xajibayevich

Toshkent davlat yuridik universiteti Kiber huquq kafedrasi mudiri oʻrinbosari, yuridik fanlar boʻyicha falsafa doktori (PhD), dotsent

Shaimardanova Dilafruz Dilmuratovna

Toshkent davlat yuridik universiteti magistranti

Annotatsiya
Mualliflar mavjud yondashuvlarni, raqamli merosni boshqarishdagi cheklashlar va shu sohada eksklyuziv blokcheyndan foydalanish imkoniyatlarini tahlil qilishgan. Tadqiqot Oʻzbekiston Respublikasi kontekstida raqamli merosni boshqarish masalasiga qaratilgan va axborot texnologiyalarining tez tarqalishi uning ahamiyatini ochib beradi. Qonunchilikning noaniqligi, ularga kirish muammolari va maʼlumotlarni yoʻqotish xavfi tufayli meros qoldirilgan mulklarni boshqarishning anʼanaviy usullari samarasizdir. Eksklyuziv blokcheynni joriy etish maʼlumotlarning ishonchliligini oshirishi, boshqaruvni yaxshilashi, bitimlar shaffofligini taʼminlashi va jarayonlarni soddalashtirishi mumkin. Biroq uni joriy etish texnik cheklovlar va maxfiylik masalalarini hisobga olgan holda qonunchilikni oʻzgartirishni talab etadi. …
NOTARIAL JARAYON TUSHUNCHASI VA UNING XUSUSIYATLARI

Karimova Madina Mirzadjanovna

Toshkent davlat yuridik universiteti qoshidagi akademik litsey o‘qituvchisi

Annotatsiya
Ushbu ilmiy maqolada notarial jarayon tushunchasi va uning xarakterli tarkibiy elementlari, belgilari va xususiyatlari tahlil qilingan. Ilmiy maqolada notariuslarning ko‘p tarmoqli faoliyati va ishining serqirraliligini hisobga olgan holda, notarial jarayonning zamonaviy tendensiyalari, xususan, raqamlashtirish, elektron notarial hujjat aylanishini kuchaytirish, notarial jarayonlarni optimallashtirishning istiqbolliroq yoʻnalishi sifatida notarial operatsiyalarning aksariyat qismini masofaviy formatda bajarishga ustunlik berish, masalalariga alohida e’tibor qaratilgan. …
MAMLAKATIMIZDA AHOLINING EKOLOGIK SAVODXONLIGINI RIVOJLANTIRISHDA EKOLOGIK-HUQUQIY TARGʻIBOTNING OʻRNI VA AHAMIYATI

Xudoyqulova Dilorom Xolovna

Surxondaryo viloyati Qumqoʻrgʻon tumani adliya boʻlimi bosh maslahatchisi

Annotatsiya
Maqolada Oʻzbekiston Respublikasida ekologik muvozanatni yaxshilashga oid chora-tadbirlarni amalga oshirish, aholining ekologik madaniyatini yuksaltirishda ekologik huquqiy targʻibotning oʻrni va ahamiyati oʻrganilgan. Shuningdek, aholining ekologik savodxonligini oshirishda ekologik huquqiy targʻibotni takomillashtirishga qaratilgan ilmiy-huquqiy tushunchalar asosida Oʻzbekiston Respublikasining meʼyoriy-huquqiy bazasi hamda balki xorijiy davlatlarning doktrinal pozitsiyalari tahlil qilgan. Tahlil yakunida esa iqlim oʻzgarishi sharoitida aholining koʻchat ekish va hududlarni koʻkalamzorlashtirishga qiziqishini oshirish taklif qilingan. Ekologik huquqiy targʻibot fuqarolarning huquqiy ongi va madaniyatini yuksaltirish, atrof-muhitni muhofaza qilish, mamlakatimizda ekologik vaziyatning yomonlashuviga olib kelishi mumkin boʻlgan har qanday huquqbuzarliklarga qarshi kurashishga qaratilgan. …
INSONNI UNING A’ZOLARINI VA (YOKI) TO‘QIMALARINI TRANSPLANTATSIYA UCHUN OLISHGA ROZILIK BERISHGA MAJBURLASH JINOYATI TUSHUNCHASI HAMDA BELGILARI

Xaydarov Shuxratjon Djumayevich

Toshkent davlat yuridik universiteti Jinoyat huquqi, kriminologiya va korrupsiyaga qarshi kurashish kafedrasi professori v.b., yuridik fanlar doktori (DSc)

Annotatsiya
Mazkur maqolada insonni uning a’zolarini va (yoki) to‘qimalarini transplantatsiya uchun olishga rozilik berishga majburlash jinoyati tushunchasi, jinoyatning o‘ziga xos belgilari hamda ushbu jinoyatga oid asosiy tushunchalar haqidagi masalalar bayon etilgan. Shuningdek, maqolada insonni uning a’zolarini va (yoki) to‘qimalarini transplantatsiya uchun olishga rozilik berishga majburlash jinoyati ijtimoiy xavflilik darajasi yuqori bo‘lgan jinoyatlardan biri ekanligi asoslab berilgan. Bundan tashqari, insonni uning a’zolarini va (yoki) to‘qimalarini transplantatsiya uchun olishga rozilik berishga majburlash jinoyatining asosiy tushunchalari huquqshunos olimlar fikrlari asosida tahlil qilingan. …
JINOYAT HUQUQIDA IJTIMOIY XAVFLI HARAKAT TUSHUNCHASI, MOHIYATI VA UNING BELGILARI

Xudaykulov Feruzbek Xurramovich

Toshkent davlat yuridik universiteti Jinoyat huquqi, kriminologiya va korrupsiyaga qarshi kurashish kafedrasi professori v.b.,

Annotatsiya
Mazkur maqolada ijtimoiy xavfli harakat tushunchasi, uning tuzilishi va, belgilari atroflicha oʻrganilgan. Ijtimoiy xavfli harakatning jinoyat tarkibining zaruriy belgisi sifatida eʼtirof etilishi va u haqida jinoyat huquqi nazariyasi olimlari tomonidan bildirilgan fikrlar, qarashlar yoritilgan. Bundan tashqari, jinoyat huquqi nazariyasida mavjud konsepsiyalar asosida ijtimoiy xavfli harakatning ifodalanishi va ularning oʻziga xos xususiyatlari ketma-ket tavsiflab berilgan. Shu bilan birga, jinoyat tarkibining zaruriy belgisi boʻlgan ijtimoiy xavfli harakat tushunchasi ishlab chiqilishida zamonaviy jinoyat huquqi nazariyasining umumiy va maxsus belgilarining oʻziga xos ahamiyati bayon qilingan. …
-LA + -SH VA -LASH AFFIKSLI SOʻZSHAKLLAR ORASIDAGI OMONIMIYA

Ziyamuxamedova Shahnoza Tolkunovna

Toshkent davlat yuridik universiteti Oʻzbek tili va adabiyoti kafedrasi dotsenti

Annotatsiya
Maqolada oʻzbek tilida qoʻshma affiks va affikslar tizmasidagi omonimiyaga oid affikslarni guruhlarga ajratish, ular oʻrtasidagi semantik munosabatlar, ularning semantik-struktur xususiyatlarini aniqlash, bundan omoaffikslarni tartibga solish yuzasidan fikrlar bildirilgan. Jumladan, Oʻzbekistonning yangi tahrirdagi Konstitutsiyasini lisoniy oʻrganib, omoaffikslarning qoʻllanishi, xususan, mazkur ishimizda tadqiq qilinayotgan -lash hamda -la + -sh affikslarini oʻrganilgan. Feʼl soʻz turkumlari orasida oʻzining murakkabligi, munozarali tomonlarining koʻpligi bilan ajralib turadi. …
KRIMINOLOGIYА FANINING VUJUDGA KELISHI, DOLZARB VAZIFALARI VA RIVOJLANISH ISTIQBOLLARI

Abdurasulova Qumrinisa Raimkulovna

O‘zbekiston Respublikasi IIV akademiyasi Huquqbuzarliklar profilaktikasi kafedrasi professori

Umirzakov Begzod Ataboyevich

O‘zbekiston Respublikasi IIV akademiyasi Kriminologiya kafedrasi boshlig‘i, yuridik fanlar bo‘yicha falsafa doktori (PhD), dotsent

Annotatsiya
Ushbu maqolada kriminologiyaning fan sifatida vujudga kelishining ijtimoiy zarurati, rivojlanishining istiqbollari va hozirgi kundagi dolzarb vazifalari tahlil qilingan. Kriminologiya o‘z maqsadiga ko‘ra jinoyatchilik, uning sabab va shart-sharoitlari, jinoyatchi shaxsi, jinoyatdan jabrlanuvchi, jinoyatlar profilaktikasining mohiyati, xususiyati va qonuniyatlarini o‘rganish, jinoyatchilikning alohida turlari hamda yo‘nalishlariga kriminologik tavsif berish, jinoyatlar profilaktikasi samaradorligini oshirish choralarini ishlab chiqish hamda huquqbuzarliklar profilaktikasi amaliyotini ilmiy taklif va tavsiyalar bilan ta’minlovchi ijtimoiy-huquqiy fan ekanligi asoslangan. Ushbu fan boshqa huquqiy fanlarga nisbatan “yosh” bo‘lsa-da, ham ijtimoiy, ham huquqiy fanlar bilan aloqadorlikda jinoyatchilikka qarshi kurashish amaliyotini zarur ma’lumotlar bilan ta’minlashda alohida ahamiyat kasb etadi. Kriminologiya fanining mustaqil fan sifatida vujudga kelishi XIX asr o‘rtalariga to‘g‘ri keladi. Ba’zi tadqiqotchilar kriminologiya fani yuzaga kelishini 1764-yilda italiyalik Chezare Bekkariyaning “Jinoyatlar va jazolar haqida” nomli kitobi nashr etilishi bilan bog‘laydi, biroq kriminologiya atamasini ilk bor 1879-yilda fransiyalik Pol Topinard o‘zining antropologik izlanishlar olib borish jarayonida qo‘llagan. …