Maqolada o‘simlik dunyosi muhofazasi va unga nisbatan yetkazilgan zarar natijasida qo‘llaniladigan jinoiy javobgarlik masalalari yoritilgan. Tabiiy resurslardan biri bo‘lgan o‘simlik dunyosini muhofaza qilish va undan foydalanishning ekologik-huquqiy maqomi, yuridik javobgarlik, jinoiy javobgarlik, ekologik jinoyat, o‘simlik dunyosiga oid qonunchilikni buzganlik uchun jinoiy javobgarlik­ni ifodalovchi normativ-huquqiy hujjatlar tahlili, ularning tartibga solish qamrovi, olimlar tomonidan bildirilgan ilmiy-nazariy fikrlar, tahliliy ma’lumotlar keltirilgan. Bundan tashqari, jinoyat obyekti sifatida o‘simlik dunyosi va o‘rmonlarning o‘zaro huquqiy holati yuzasidan fikrlar bildirilgan. Shu bilan birga, mavjud qonunchilik normalarini takomillashtirish, sohani rivojlantirish, yangi mexanizmlar, il­miy-nazariy institutlar to‘g‘risida fikrlar bildirilgan. Xorijiy mamlakatlarning o‘simlik dunyosi muhofazasi, qonunchilikni buzganlik uchun jinoiy javobgarlikning aks etishi va qo‘llanilishi, o‘ziga xos xususiyatlari ham bayon etilgan. Xulosa qismida xorijiy davlatlarning ijobiy tajribasini O‘zbekiston Respublikasi qonunchiligini takomillashtirishga xizmat qilishda qo‘llash masalalariga e’tibor qaratilgan.