Mazkur maqolada haqiqiy bo‘lmagan bitimlarning turlari bo‘lgan o‘z-o‘zidan haqiqiy hisoblanmaydigan va nizoli bitimlarning o‘ziga xos xususiyatlari ochib berilgan. Shuningdek, nizoli bitimlarning turlariga to‘xtalib o‘tilgan va misollar keltirilgan. Nizoli bitimlarni tasniflash borasidagi olimlarning fikrlari tahlil qilingan. Muallif kelishmovchiliklarning asosi bo‘lgan nizoli bitimlarni quyidagi guruhlarga bo‘lib o‘rganadi: mazmunining noqonuniyligi; uni tuzuvchi jismoniy va yuridik shaxslarning bitim tuzishga haqli emasligi; erk-iroda va erk-iroda izhorining nomuvofiqligi; bitim shakliga rioya etilmaganligi. Maqolada, shuningdek, o‘z harakati ahamiyatini tushunmaydigan va ularni boshqara olmaydigan shaxslar tomonidan tuzilgan bitimlarni haqiqiy emas deb topish asoslari ham yoritib o‘tilgan. Normativ-huquqiy hujjatlardagi mavjud bo‘shliqlar va amaliyotdagi muammolarni bartaraf etish yuzasidan asosli takliflar bildirilgan.