Mazkur maqolada budjet mablag‘laridan foydalanish mexanizmini takomillashtirish masalalari yoritilgan bo‘lib, davlat iqtisodiyotini samarali boshqarish va ijtimoiy farovonlikni oshirishda muhim ahamiyat kasb etuvchi omillar tahlil qilingan. Jumladan, budjet jarayonida nodavlat organlarning ishtiroki budjet mablag‘larining oqilona va samarali sarflanishi nafaqat iqtisodiy barqarorlikni ta’minlashi, balki korrupsiyani kamaytirish, davlatning ijtimoiy mas’uliyatini kuchaytirishda ham hal qiluvchi omil hisoblanishiga e’tibor qaratilgan. Maqolada budjet mablag‘laridan foydalanish mexanizmlarini takomillashtirishda shaffoflikni ta’minlash, davlat xaridlarini adolatli va raqobatbardosh asosda amalga oshirish, tender tizimini rivojlantirish, natijaga yo‘naltirilgan budjetlashtirish tizimini joriy qilish kabi choralar muhimligi alohida ta’kidlanib, bunda davlat va nodavlat tashkilotlarning o‘rni tahlil qilingan. Ayniqsa, davlat xarajatlarini ochiq platformalar orqali kuzatish, fuqarolar va nodavlat tashkilotlarini bu jarayonlarga jalb qilish orqali jamoatchilik nazoratini kuchaytirish masalalari bayon etilgan.