Yurisprudensiya sohasining “Mehnat huquqi. Ijtimoiy ta’minot huquqi” ixti­sosligiga muvofiq harbiy xizmatchilar ijtimoiy ta’minotning asosiy sub’ektlaridan biri hisoblanadi. Shunga ko‘ra, ushbu maqolada Milliy gvardiya tizimida ijtimoiy himoya mavzusi dolzarb masalalardan biri ekanligi ilmiy asoslab berilgan, unda harbiy xizmatchilarni ijtimoiy muhofazalashning zarurati va qonunchilik asoslari tadqiq qilingan. Maqolada harbiy xizmatchilarni ijtimoiy-huquqiy himoyalash tushunchasi va mohiyati ilmiy jihatdan o‘rganilib, Milliy gvardiya harbiy xizmatidagi ijtimoiy himoyalash ayrim chora-tadbirlari nazariy tahlil etilgan. Bunda ijtimoiy imtiyozlar bo‘yicha tahliliy ma’lumotlar berilgan. Harbiy xizmatchilarning farzandlarini maktabgacha ta’lim muassasalariga joylashtirish muammolari tadqiq etilgan. Maqolada olimlarning bildirgan fikrlari asosida ilmiy munozaraga kirishilgan. O‘zbekiston Respublikasi qonunchiligini takomillashtirish bo‘yicha takliflar ishlab chiqilgan.