Maqolada oilaga va yoshlarga qarshi jinoyatlar tushunchasi va mohiyati, ushbu turdagi jinoyatlar uchun javobgarlik masalalari, javobgarlik nazarda tutilgan va belgilangan jinoyat qonunchiligi normalarining rivojlanish tarixi o‘rganilgan. Shuningdek, voyaga yetmagan shaxslarning hayoti va xavfsizligini ta’minlovchi ijtimoiy munosabatlarni muhofaza qilish davlat va huquq rivojining ilk bosqichlarida huquq normalari aks etgan. Jumladan, Avestoda, undan keyin shariat qonunlarida, xususan, islom dinida ham jinoyat va jazo masalalari to‘liq tartibga solingan. Jinoyatlar: shaxsga qarshi; mulkka qarshi; oilaga qarshi; e’tiqodga qarshi jinoyatlarga bo‘linib, jinoyat sub’ektlari sifatida odam ham hayvon ham e’tirof etilgan. Jinoyat sub’ektlari tushunchasi zamirida shaxsning biron-bir dinga mansubligi yotgan. Biroq Avestoda aynan “oila yoki yoshlarga qarshi jinoyatlar” haqida so‘z yuritilmagan, lekin uning u yoki bu normalarida biz o‘rganayotgan jinoyatlarning ba’zilari uchun javobgarlik nazarda tutilgan. Jinoyatchilikka qarshi kurashning ildizlari juda qadim zamonlarga borib taqaladi. Ma’lumki VII asrda yurtimizga islom dini kirib kelgan va chorizm bosqiniga qadar mamlakatimiz hududida shariat huquqi amal qilgan. Shariat huquqiga ko‘ra jinoyatga jalb etgan shaxs ishtirokchi hisoblangan.