Mazkur maqolada fuqarolarning eng muhim siyosiy huquqlaridan biri bo‘lmish saylov huquqini amalga oshirishning ayrim jihatlari tahlil qilingan. Shuningdek, O‘zbekis­tonda fuqarolarning saylov huquqlarini himoya qilishning huquqiy mexanizmlari hamda bu huquqlar buzilganligi to‘g‘risidagi ariza (shikoyat)larni ko‘rib chiqish tartibiga oid huquqiy masalalar tahlili keltirilgan. Shu bilan birga, saylov sohasiga oid qonun hujjatlaridagi yangiliklar bilan bir qatorda saylov huquqlari buzilganligi to‘g‘risidagi shikoyatlarni ma’muriy va sud tartibida ko‘rib chiqishning protsessual jihatlari tushuntirilgan, sud tartibida shikoyatlarni ko‘rib chiqishga oid ayrim huquqiy muammolar keltirib o‘tilgan. Maqolada, bundan tashqari, sud amaliyoti asosida keyslar tahlili keltirilgan va saylov huquqlarini himoya qilishning samarali mexanizmlari ochib berilgan.