Ushbu maqolada atrof-muhitni muhofaza qilish sohasidagi yechimlar uchun kelajakda kutilayotgan chora-tadbirlar va voqealar muhokama qilinadi. Bu dolzarb ekologik muammolarni hal qilish uchun faol yondashuvlar va hamkorlik zarurligiga urg‘u beradi. Maqolada barqaror rivojlanish, qayta tiklanadigan energiya manbalariga o‘tish, bioxilma-xillikni saqlash, chiqindilarni boshqarish, atrof-muhitni muhofaza qilish bo‘yicha xalqaro shartnomalar va konferensiyalar kabi asosiy e’tibor yo‘nalishlari yoritilgan. Shuningdek, atrof-muhit muammolarining kelajakdagi yechimlarini shakllantirishda texnologiya, ta’lim va siyosat islohotlarining roli tahlil qilinadi. Ma’lumki, ayni paytda mamlakatimizda qulay yashash sharoitlarini yaratish barobarida atrof-muhitni muhofaza qilish, tabiiy resurslardan oqilona foydalanish va aholi salomatligini saqlash borasida ichimlik suvi ta’minoti hamda oqova suv tizimlarini yaxshilash bo‘yicha dasturiy vazifalarni amalga oshirish muhim ahamiyat kasb etmoqda. Bunda asosan qishloq joylarda ichimlik suvi va ta’minoti, uning sifati yaxshilanishi, insoniyat hayoti uchun eng muhim sanalgan atmosfera havosini muhofaza qilish, uning sifat ko‘rsatkichlarini ekologik normalarga muvofiqlashtirishni ta’minlash bosh vazifadir. Yer resurslari mamlakatimiz aholisining turmush farovonligi, respublikamizning iqtisodiy salohiyati uchun moddiy ne’mat bo‘lib, undan har qanday sharoitda oqilona, unumli foydalanishni tashkil etish, suv resurslaridan oqilona va tejamkor foydalanish, jamiyatimizda suv iste’moli madaniyatini shakllantirish ham eng ustuvor vazifalarimizdan hisoblanadi.