Axborot va telekommunikasiya texnologiyalari sog‘liqni saqlash sohasiga tatbiq etilganidan buyon ushbu jarayon bilan bog‘liq tibbiy xizmatlarga talab o‘smoqda, tizim esa rivojlanishda davom etmoqda. Mazkur maqolada shaxsiy ma’lumotlar, ayniqsa, bemorlarning tibbiy ma’lumotlari xavfsizligini ta’minlashning huquqiy asoslari o‘rganildi. Tadqiqot davomida shaxsiy ma’lumotlarni himoya qilish bo‘yicha milliy va xalqaro huquqiy me’yorlar tahlil qilindi, ularni sog‘liqni saqlash tizimida qo‘llash xususiyatlari ochib berildi. Bundan tashqari, tibbiy ma’lumotlar bilan ishlashda maxfiylik va axborot xavfsizligini ta’minlashning dolzarb masalalari ko‘rib chiqildi. Shuningdek, sog‘liqni saqlash sohasidagi tashkilotlar va mutaxassislarning majburiyatlari, bemorlarning shaxsiy ma’lumotlarini saqlash hamda ularni noqonuniy ishlatilishdan himoyalash bo‘yicha javobgarlik masalalari yoritildi. Maqolada tibbiyot sohasida shaxsiy ma’lumotlarning xavfsizligiga doir xalqaro huquqiy tajribalarning milliy qonunchilikka ta’siri, shuningdek, raqamli texnologiyalar taraqqiyoti sharoitida shaxsiy ma’lumotlarni himoya qilishning zamonaviy usullari tahlil qilindi. Tadqiqot natijasida sog‘liqni saqlash tizimida shaxsiy ma’lumotlar xavfsizligini ta’minlash bo‘yicha takliflar ishlab chiqildi.